...خضيري وقبيلي...

[center]بسم الله الرحمن الرحيم

السلام عليكم ورحمة الله وبركاته

أخواني وأخواتي أعضاء هذا الصرح الرائع

اليوم جئتكم بموضوع غريب جدا وهو منتشر في مجتمعنا الا وهو...

تطليق الزوجه من زوجها لسبب عدم تكافئ النسب.

هذا الموضوع الي بصراحه دايم نسمع عنه ونقراء عنه والي بصراحه يجعل القلوب تقطر دمآ.

زوجين ومضى على زواجهم مدة طويله ويعيشون في حب وسعاده بين أطفالهم فجئه يأتي أحد أقارب الزوجه

ويرفع قضيه للمحكه يطالب بتطليق البنت من زوجها لعدم تكافئ النسب.

بالله اي دين يرضى هالشي نروح نفرق بين زوجين متحابين وكوًنا أسره وعايشين أحلى عيشه ونهدم هذي الأسره.

والأسلام أمر بتكوين الأسرهـ وحث على المحافظة عليها وعدم تشريدها.

لا ويجيك القاضي يقولك لدرء المفاسد وجلب المصالح بالله عليكم وين المصلحه الي بتكون في تفريق بين زوجين وهدم أسره بأكملها.

وحتى لو فيه دليل شرعي على عدم تكافئ النسب المفروض أنه يكون قبل يتم العقد مو بعد مايتزوجون وينجبون أولاد.

شي يقهر مافيها كلام...ويجب علينا أن نكون أكثر وعيا ونترك هالخزعبلات والعادات البائده الي هي سبب تخلفنا.

عن جد نحن مجتمع متخلفين بتقولون ليه!!!

أنا أجاوبكم ..يجيك واحد من القبيلة الفلانيه احسن قبيله بالعالم ويروح يسافر للخارج ثمن تزوج اجنبيه وجاك راجع لأرض الوطن

وجوه الجماعه يباركون له ومدري وشو ...بالله عليكم وين العقل الحين ذا تزوج وحده ماينعرف أصلها.

وأبد ولكنه صار شي المجتمع ساكت عادي لكن لو يتزوج خضيريه ولا خضيري يتزوج قبيليه ثارت ثائرتهم.

هذا هو سبب التخلف الله يعيننا على أنفسنا.

العالم وصلوا لمراحل عاليه في التقدم..من تكنلوجيا وصناعات وغيرها ونحن مشغولون في هذا قبيلي وهذا خضيري ومدري شنو.

وحتى لو كنت قبيلي يأخي لاتزوج بنتك وبعدين تروح تطلقها وتسوي مشاكل وتهدم بيتها وتضيع مستقبلها أمسك بنتك عندك ولاتزوجها.

وختاما هناك مقوله تقول حلاة الثوب رقعته منه وفيه.

خلونا نتكاتف ونزوج بناتنا لشبابنا وشبابنا لبناتنا ونخليهم يعيشون في أحسن حال .

تراه والله قهر لما السعودي يتزوج اجنبيه ولا السعوديه تتزوج أجنبي بس محد يحس.

هذا الموضوع كتبته بأسلوبي وأعتذر إذا كان فيه شي من التجريح.

وأتمنى لكل من يقراه الفائده.وتطبيق كل مافيه في المستقبل *.*

تحياتي لكم

[

url=http://www.0zz0.com] ...خضيري وقبيلي... 124923639

[/url][/center

]